Archive for the ‘{ بــ بساطة }’ Category

one reason i want a baby girl

الثلاثاء: 17 / 08 / 2010

من اﻷشياء اللي أتوقع كثير مننا يتفقون فيها هي قد ايش البنوتات الصغار شي لذيذ في الحياة.. وأمر كثير في حاﻻت أشتهي فيها بقوة بيبي بنت.. أحس لهم طعم مره غير ومره أنجن على مﻻبسهم وأشيائهم.. طبعا غير اني احس البنوتات أقرب كثير من اﻷوﻻد.. ويمديك تلعب فيهم وتسوي فيهم أشياء كثيرة… ومن الشغﻻت اللي بجد توجع قلبي هي اختراع حلو في الدنيا اسمه RuffleButts وهو ماركة تسوي قطع تجنن أشهر شي تسويه هو الشورت الصغنون المكرمش غطى الحفاظة أو الـ بلومر وبالنسبة لي بصدق مافيه أحﻻ وﻻ ألذ من هالمنظر… صارت عندي عادة متأزمة جدا بس ﻻزم أسويها عشان أعوض شوي وهي اني افتح السايت حقهم وصفحة الفيس بوك وبس اتفرج على كل الصور من اول وجديد… شي مره مره مره لذيييييذ… أتمنى عندي بنوتة عشان أجيب لها من عندهم وأي أحد عنده بنات مفروض وشي أساسي في الحياة انه يجيب لهم من كل الشغﻻت اللي يبيعونها بجد حلوة ويكفي اﻷشكال المؤلمة نفسيا

RuffleButts Site

RuffleButts | FaceBook

أوريييدو بنتاً

SaRaH

الأربعاء: 4 / 08 / 2010

أتذكر إني كتابتي لاسمي مرت في مراحل كثيرة.. أتذكر إن بدايتها كانت حسب ما اتذكر بـ 5 حروف
SARAH
بعدين رجعت أشيل الحرف اﻷخير… ما كنت أعرف إلى وقت قريب وش الاسم اللي سموني فيه أهلي أو أي واحد فيهم… قبل أيام رجعت لشهادة ميﻻدي لقيت النسخة اﻷولية اللي مو رسمية بـ حرف إتش والثانية الرسمية بدون يعني من جد ماخلصنا… رجعت لملفات أوراق بداية دراستي.. ولﻷسف أنا وحده أهلي كانو فاهمين الحياة غلط ودخلوني مدرسة قبل السنتين ونص.. وماكانت “دي كير” كانت مدرسة مدرسة.. وطبعا كانت بدايتي في المدرسة شي شنيع جدا.. مو بس علي أنا وعلى نفسيتي لكن على مدرستي الضعيفة من جد كنت شي مره ﻻ يطاق.. المهم اني لقيت في أوراقي القديمة ان كل اسمي كانت ينكتب بـ 5 حروف… قررت إني أغير اسمي وأرجع للخمس حروف.. أوﻻ ﻷن اﻷرقام الزوجية تسوي لي حساسية.. وثانيا ﻷن الرقم خمسة هو ثاني أحب رقم لي وهو رقم يرمز للكمال في ديانات وثقافات كثيرة.. فمن اليوم حتى اشعار آخر أنا
Sarah

فيه كم صورة ضحكوني كثير.. كان عندي مشكلة في إني أكتب اسمي.. وهالشي مر في تطورات غريبة مره.. يعني المرحلة اﻷولى كنت أكتب الحروف وكأنها معكوسة بـ مراية.. وهالشي أتحدى أي أحد في الحياة يسويه… المرحلة الثانية صرت أكتب الحروف عدلة لكن من أعكس الجهة.. والمرحلة الثالثة تعدلت الحالة وصار اسم طبيعي أي انسان ممكن يعرف يقراه

أترككم مع الصور


مساحة

الثلاثاء: 27 / 07 / 2010

بعض الناس عندهم قدرة بمجرد تواجدهم اليومي في حياتنا إنهم يثيرون سعادة دفينة داخلنا.. أحيانا هالناس نفسهم تكون طبيعة تواجدهم غلط أو “بشكل أدق” ماتكون هي أفضل طريقة ممكنة.. قدام السعادة الكبيرة اللي بكرم يضفونها على حياتنا وبدون أدنى مجهود أو حتى محاولة.. وقدام كثرة سؤال النفس عن التفاصيل المعلقة.. تكون في الوسط فيه مساحة مريحة بعيدة عن صخب الدنيا

N luv with REESE’s

الخميس: 20 / 05 / 2010

I’m totally extremely madly in love with Reese’s chocolates & whatever they made.. I feel like in heaven when I got a piece of it in my mouth.. I had just had a bar of it, it make me feel high 😀 and it last for some time.. it makes me believe that happiness is not that complicated, it’s simply just as easy & yummi as we decide to get it.

God bless whoever invent this thing!

ماعصاني قلبي بعمره ولكن

الثلاثاء: 18 / 05 / 2010

الأكيد إني أنا اللي ما اشتهيت