is it a Sorry?!

في حوار بﻻك بيري ـــي صباحي كان مليان عواطف مع صديقة بجد أعتبرها أختي وأكثر.. وﻷن أنا وساره موب بالعادة نعبر عن عواطفنا لكن خربناها الصباح لوووول وصلت ساره لنقطة انه ان شاء الله نبقى على طول مع بعض.. وبكل صدق مع استعراض كل الاختﻻفات وكل التوتشات وكل الشغﻻت الـ مو حلوه اللي صارت بيننا قلت لساره بصدق انه أعتبرها هي الجزء اللي حافظ على استمرار هالعﻻقة.. هي وبس… ساره شي مره يجنن في الحياة وراح أرجع أحكي عنها بإذن الله.. لكن من أحﻻ الشغﻻت اللي فيها كيف تقدر تمتص غضب وزعل اللي قدامها مهما كان ومهما غلط فيها ومهما حتى آذاها.. وكيف فعﻻ تقدر تعدي وتعدي وتعدي.. أكثر إنسانه كنت أقولها آرائي بصراحه وجفاسه وبقوة وكانت تتحملني… وبجد مو سهل إن الناس تتحملني… وأعترف إني إنسانه متطرفة في مواقفي وحادة جدا في بعض تصرفاتي.. أعدي اﻷخطاء كثير لكن قدام الأخطاء اللي أشوف إنها آذتني آخذ موقف وممكن موقفي يكون يعني إنه أبتعد عن الشخص.. فـ لوﻻ ساره ومع كل المواقف اللي صارت وتصير بيننا أكيد ماكانت عﻻقتنا استمرت وقويت للدرجة هذي.. وبجد أقدر لها كل هذا وأقدر لها الشي اللي تعلمني اياه في تصرفاتها حتى لو كانت أصغر مني.. ﻷني بجد خسرت وقاعده أخسر ناس كثير في حياتي هم ناس كويسين بس حصل بيننا أشياءات وهم ماقدرو يتفهمون هالجزئية في شخصيتي ومن بعدها اختفينا من دنيا بعض

الكﻻم هذا أقوله ﻷنه قبل فترة ماكانت بعيدة كثير حصل موقف مع صديقة بجد أعتبرها أخت صغنونه برضو.. بنوته جدا ذوق وتجنن وماشفت منها إﻻ كل خير وطيب.. حصل موقف بيني وبين شخص هي على عﻻقة معاه.. موقف بايخ جدا وسخيف يمكن.. لكن أنا كبرته.. وطريقة تصرفها خلتني أحس بقوة إن البنت باعتني على حسابه.. وبالنسبة لي هذي من أكثر اﻷشياء اللي أحسها ماتغتفر في الصداقات وهي إنك توقف في صف حبيب ضد صديق.. وبجد ما أرضى هالشي ﻻ علي وﻻ مني… طبعا مره جرحني الموقف هذا لدرجة كبيرة وأخذته بحساسية يمكن حتى هي ما استوعبتها.. فـ انتصارا لكرامتي وﻻحترامي اللي حسيت إنه أنئذي ابتعدت وانسحبت بطريقة مو حلوة بعد ماعبرت لها عن كيف أنا شايفه السالفة.. ومن بعدها وأنا أدري إني ماتصرفت صح.. ويمكن أنا أشوف إنه برضو تصرفهم هم الاثنين ماكان صح.. لكن برضو أعرف إن البنت تستاهل اعتذار مني… وأنا عندي مشكلة في الاعتذار! امممم أحب أمي وأبوي كثير وهم أكثر شخصين لهم أفضال علي ما أنساها في حياتي.. لكن فيه شغلة لما أصرح فيها يزعلون أو ينفون لكن أنا إلى اليوم وبعد كل هالسنوات من حياتي ما اتذكر إن أمي أو أبوي اعتذروا مني على أي شي… طبيعي إنهم كـ بشر سبق وغلطوا في حقي حتى لو بدون قصد لكن بجد ما اتذكر انه هالشي حصل أو انه جاني اعتذار مباشر.. فـ مع الوقت صار إني اعتذر بالمعنى الحقيقي للاعتذار شي صعب علي وشي أحس إن نفسي ما تطاوعني عليه وتخليني أحس إنه شي كبير وأحيانا حتى انه ينزل من قدري.. ادري مو صح بس إن شاء الله هذا من الشغﻻت اللي ودي أغيرها فيني

لكل الناس اللي غلطت في حقهم: سامحوني

Advertisements

3 تعليقات to “is it a Sorry?!”

  1. نوره Says:

    ياحلوكـ بس
    أنتِ من الأشياء الجميلة في الحياة ياساره وروحك مميزه ومختلفة عن كثير من الناس

    بالنسبة للإعتذار اعتبريه نوع من اللطافه في التعامل والاتيكيت
    بما أن كلمة آسفه ماتنقص مني شيء ليه ماأقولها إذا كنت غلطانه ؟

  2. ساره Says:

    اهلين ساره
    الله لايحرمني من هالقلب وهالحب ❤

    ماتدرين قد إيش تنحت قدام تدوينتك هذي
    حسيت في كلام كثييييير أبي أقوله وكل شي يزاحم كل شي :s

    أول شي بخصوصك أنتي .. ❤
    ساره إنتي ماقد غلطتي علي
    إلا لو كنتي تعتبري الصراحة القوية اللي يترجمها البعض بإنها جافة وأشوفها صدق ووضوح غلط .. فهذا شي ثاني
    إنتي تعرفي كرهي للمجاملات وتنميق الكلام خصوصاً بين الأصحاب
    أحب الكلام المباشر والصريح حدّ الجفاف !
    تأكدي إني أحبّ هالشي فيك وهذا الشي إللي يخليني دايماً أرجع لك وأستشيرك وأسمع رأيك .. هالشي إللي أبيك تحافظي عليه في تعاملك معاي 😀

    ممم بخصوص إني أسامح وأغفر
    صدقيني هي هبة أعطيها لناس محددين وقليلين مايتعدون أصابع يد واحدة =)
    بس ماأعطيه في الإهانة، أنا ماأقبل الإهانة من أي أحد مين ماكان
    أعطيها لما أنجرح
    ذكرت مواقف لناس كثييير "إنتي مو منهم " أوصل لمرحلة أتأذى بأي طريقة
    ماأغفر أبداً إذا ماكنت أهتم
    ولكن لما يكون هالشي صادر من شخص / شخصة 😀 أحبهم مرررة … أسلّك
    ماأخفيك هالشي خطأ وخلل
    ومفروض يكون للتسليك حد والواحد يغفر ويتجاوز بصورة صح بين وقت ووقت ولا مابقى حواليننا أصدقاء ، لكن مو للدرجة اللانهائية إللي توصّل الطرف الآخر للجرح المتواصل لك بدون

    بخصوص الإعتذار ..
    الإعتذار لنا قبل مايكون للناس إللي نغلط عليهم أو نزعلهم بشي
    الإعتذار راحة ضمير، ورضى
    بغض النظر إيش الفيدباك إللي ممكن يرجع لك من هالإعتذار بس إسم إنك إذا غلطتي إعتذرتي، هذا شي مميّز ومريح للضمير

    وأعتقد وأؤمن إن الشخص إللي يعترف بأخطاءه ومايخجل من الإعتذار، هو شخص مميز جداً شخص يستحق الإحترام

    طبعاً الإعتذار مو بس بكلمة آسف، بتصحيح الخطأ نفسه وعدم تكراره برضو

    الحمد لله إني ماأخجل من إني أعتذر، إلا في حالات معينة لما يكون اللي قدامي منرفزني وشايف نفسي علي ماأعتذر حتى لو كنت غلطانة 😀

    أنا مثلك أبوي وأمي أهم الناس في حياتي، ومثلك برضو ماأذكر مرة إعتذرو لي لكن هذولي أبوي وأمي مهما غلطو ماأنتظر منهم إعتذار فبحياتي ماقارنت تصرف العالم معاي بتصرفهم لأن علاقتي فيهم إيش ماكان ماتشبه علاقتي بباقي الناس

    وصباحك ورد ❤

  3. ablaj Says:

    نوره
    حبيبتي انتي والله!
    اممم مو المسألة اني أحس انه ينقصني بس لما أكون فعﻻ أعني الاعتذار صعب مره يطلع مني.. يبي لي أتعود أكثر بس أتوقع!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: