ذات تكرنة

الويك إند اللي راح كان جدا صعب وتعيس بالنسبة لي.. كانت فيه كم شغلة كركبتني كثير وحاستني من جوا.. مؤخرا صرت أسيطر بشكل كبير وجيد على نفسيتي وحتى لو خربت تماما ما أرمي هالشي أو أطلع حرتي في أحد.. لكن اللي حصل إنه برضو من فترة وأنا أتحسس كثير من بعض السلوكيات والتعاملات في الأماكن العامة عندنا.. وعلى قولة وحده (ماعاد أتحمل العالم الخارج هنا) بأطباعه السعودية السيء منها طبعا.. كل ماسبق حصل أثنائه موقف بايخ جدا من شركة لها اسم ومكان هنا.. تعاملهم كان سيء وأخروني كثير في وقت فعلا وبدون فلسفة الدقيقة كانت تعني لي كثير.. الاربعاء بعد روحات وجيات بسبب الشركة السابقة رجعت البيت مطرطعة منهم.. وقلت يابنت وسعي صدرك بكره الصباح يفتحون وتاخذين طلبك وينتهي الموضوع!.. والخميس دائما بالنسبة لي يوم مقدس جدا من يوم ماعرفت نفسي وأنا أحب أعيشه بطقوسي الخاصة ومن جد آخر شي ودي فيه إن أحد يخربه علي.. حضراتهم مفروض يفتحون 8 حسب مو مكتوب على مكاتبهم وعلى موقعهم الرسمي.. ومن 8 وشوي وانا عندهم ولا يجي أحد.. وبالصدفة حصلت سواق ينتظر برضو يفتحون وسألته قالي مارح يفتحون إلا 9 وكذا دوامهم وانه عنده رقم واحد يشتغل هنا.. ومن هذه اللحظة بدت المصيبة.. أنا كنت ماسكة نفسي من فترة قد ما اقدر.. واخذت الرقم واحاول ادق ادق مقفل.. وبعد شوي هالانسان الضعيف اللي أمه داعية عليه فتح جواله في صباحية خميس مفروض انه يكون رايق.. وطبعا لأني كنت على الجانب الآخر من الخط أحس يومه خرب.. انواع اللي طبيت فيه طبه محترمه لأن بجد تعاملهم معاي كان أسوأ من سيء وهالضعيف مشكلته في الحياة انه كان قدامي هذيك اللحظة.. وكل انواع الكلام اللي في الدنيا قلته.. ومن جد كبرت السالفة كثير مو لأنها مو كبيرة بس لأن هالشخص تقريبا ماله علاقة.. وانواع اللي اقوله تراني كلمت 3 من المدراء الكبار تبعكم (وفعلا كنت مسويتها الليلة اللي قبلها) وتراني راح اوصلها للمدير الاقليمي و و و.. وهالانسان مرتاع تماما.. لكن ردود فعله كانت باردة نوعا ما وهي اللي نرفزتني بزيادة.. لكن للأمانة امتص غضبي وقتها.. وفي الاخير أسأله متى بتفتح قالي على 9 .. وانا بس كان باقي شوي واقوله الا تجي الحين تفتح.. طبعا كان واضح تماما ان الاخ توه صاحي وتوه مفتح من نومه.. 9 إلا عشر دقايق تجي سيارة مسرعة وتوقف في نص الشارع إلا شوي.. وينزل واحد بشوشته طايره ويفتح المحل.. منظره بصراحه خلاني أعيد اراجع حساباتي.. طبعا ما حاولت ولا بأي شكل اني انزل.. خليت السواق يروح مكاني… المضحك في الموضوع واللي ما استوعبته الا بعد ساعة او اكثر هي انه هذا الشخص كان باقي لهم فلوس عندي مو شي اختراع بس باقي لهم شي.. عيا ياخذها ورجعها للسواق اعتقد انه بزعمه تكفير عن ذنبهم معاي…. عاد وقتها من جد فكرت أرسل مسج أعتذر ولا شي بعدين هونت… من جد أشك ان البني آدم هذا مارح يتزوج نهائيا في حياته.. ولو كان متزوج بيطلق بالثلاثة

Advertisements

2 تعليقان to “ذات تكرنة”

  1. Dentographer Says:

    ليس الشديد بالصرعه…الحديث

    you dont soumd like an angry person,but a reminder is always good,
    and by the way,i should thank this guy,because him,you are back to your blog,so welcome back and u were missed!

  2. ablaj Says:

    Hiiiiii Dento,

    i’m glad i’m here too, and i’m truly happy that u r around to read me here.. so thx for that

    emmm i don’t consider myself as an angry or easy to lose temper, but it happened ocasionaly! thanks for the advise i’ll keep it on mind all the time

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: